قصتي حقيقة واقعية كاملة اتمنى قرائتها بمشاعرك وتقدير موقفي شكرا لك
حالياً عمري 21 يوم كنت صغيرة كنت العب انا وبنات الجيران بحديقة قريبة من بيتنا ، كان يلعب معي شاب اكبر مني ب سنة ، كان لعبنا عبارة عن مضايقة ومقالب ، بس كبرت انقطع التواصل بينا ، مع انو اهلينا قراب من بعض وتواصلهم مازال مستمرلكن هو ماعاد اشوفو متل قبل بس انا متعلقة فيه كتير ويا ريت يحبني شي يوم مع انو ما صارحني ولا لمحني بيوم ، بلشت العب الالعاب الاونلاين ، وفتحت المايك بلغلط وصاروا يبعتولي الشباب طلبات ويقلولي بدنا نتعرف ، وانا بقلهم مرتبطة ب رائد صديق طفولتي.
المهم اجا يوم انعزمنا عند اهلو ورحت قلت لامو بدي اصلي اخذتني على غرفة بنتها ونست ما تقول لابنها رائد لا يدخل الغرفة في حريم ، والضيوف كانو كلهم بصالون ، لما فتحت الباب وبدي اطلع الا اقابل رائد وجهي بوجهو ,كان جاي ياخذ شيء من الغرفة عاد هوي طويل ماشاءالله وانا نتفة جاية تحت صدرو صرنا نطلع لبعض دقيقة صحيت لنفسي واخذت ثوب الصلاة وهوي التفت دغري اجت امو واعتذرت نست ما تقلو انو في حريم بالغرفة وطلع ورجعنا على البيت وانا كل ما حطيت راسي على المخدة ، اتذكره وكل ما فكرت فيه قلبي يرفرف.
مرة اختو طلبت حسابي على الانستا وقعدنا نحكي بعض طلع الحساب مو لالها لرائد اخوها قالتلي ماعندة حساب مشان هيك تستعمل الحساب ، فجأة اجاني احساس قوي انو رائد يحبني وانا احساسي ما يخيب ، لكن ماشوف منه ردت فعل يوم نتقابل مع انو رقمي عنده ، مع يوم من الايام رحنا على شاليه قسم للرجال وقسم للنساء جلسنا بشاليا لليل وراحت الرجال يجيبو عشا وتركو رائد عندنا مابيصير يتركونا بدون رجال انا مابعرف شو اجاني هديك اليلة ونزلت المسبح برغم مابعرف اتسبح كتير ماحسيت حالي غير عم ببلع مي وحست حالي عم اختنق امه لرائد شافتني ، وصار تعيط على رائد رائد رائد ما صحيت غير رائد مطلعني من المسبح وعم يضفط على صدري يطالع المي وحسيت كان كتيرر خايف عليه ما انسى نظرته لالي ، بهديك اليله هو جد انقذني مابنسى هالليلة ، من هالفرحة يوم صحيت ضمني على صدرو بقوووة ويقول الحمدلله ، من بعدها اهلي يقولوا انقذك الامير بعدها اهلي عرفوا تقريبا مشاعري اتجاه
مر اسبوع رائد امو وابو اجوا علينا وسلموا انا ماكنت متوقعه انو جايين يطلبوا ايدي وهوي يحبني وكان الصدمة هوي يحبني من الطفولة ومن يوم حادث المسبح ماعم اروح من باله وتمت الخطبة وزواجنا